節目開始前，有維園阿伯叫羅沃啟「賣國賊」、「食美國佬錢食到豬頭」，阿伯和愛護香港力量的朋友大叫「傭工Get Out！垃圾！」，主持謝志峰要再三喝停。有人對葉太滿有期望：「把關唔好手軟」。葉太回了句「多謝！」。節目開始，每當葉太和羅軍典發言，台下佈滿掌聲，當中不乏「支持葉太做特首」的口號。另一邊廂，思穎說傭工在香港工作辛苦，台下即刻有人大聲說「咁辛苦咪唔好做！」
搶掉香港資源仍然是出席政黨（除了公民黨和民主黨）和觀眾的最最大憂慮。他們也直指政客禍港。以下是論壇的一些發言撮要：
羅軍典：「我地家傭僱主協會雖然係請外傭，但係我地盡力維持核心價值，維持香港社會資源，亦唔容許有任何人用法律上，憲法與本地法律之間O個兩個不一致，係令到香港好多好多唔同行業O既工作人員將來受到外傭爭奪佢地個飯碗。」
葉劉淑儀：法理唔駛拗，我地尊重法治，睇判詞就得，你講個題目，係現實嘛，現實係有十幾萬人可能申請居留權，我屋企個外傭話一定會申請，佢申唔申請屋企人黎係一回事，有六千蚊梗係攞左先。（台下：講得好）對香港社會存在資源問題，我地已經咁狹窄，每日已經收一百五十新移民，可以接收幾多人？
我對D外傭講，我地唔係唔多謝你，我地養你地唔起呀。
她在闡述判詞時用「公民黨」的身份引述梁家傑和吳靄儀的意見。（8分14秒和8分38秒）
自由黨中常委：「公民黨可能係全世界唯一一個同自己市民利益打對台O既政黨。」［台下：好！］公民黨刻意淡化成功爭取之後的影響，並再三挑起法律爭端，拖慢香港發展。
青年民建聯：外傭居港權係我地最後最後一道防線，但我地偏偏俾一班政客打破。
兩位參與的中學生也說如何解決資源問題。
貢獻論難於入耳
思穎介紹傭工處境是再三被愛護香港力量喝罵，到後來說工作對家庭有貢獻，得到台下傭工和民間團體的掌聲。羅軍典反駁貢獻不可以居留權回報。
民主黨：條例不容許
民主黨總幹事：民主黨認為外傭唔應該擁有居留權。［少許掌聲］外傭當然Ｏ係香港好有貢獻，但入境條例已清楚列明，外傭正如解放軍駐港部隊同埋中央駐港官員一樣，係唔認該被視為通常居港，其實輸入外傭政策清楚並唔係容許外傭申請黎香港擁有居港權。呢個政策好清楚。
青年公民：門檻重重
青年公民：外傭問題好似睇落今日先發生，但其實三十年前我地引入外傭Ｏ既時候大家可以預計得到，總會有Ｄ人結婚生仔，佢地落地生根，留Ｏ係度。但係根據現有條例，佢地連申請資格都冇。咁樣大家覺唔覺得公平。仲有，會有十萬人湧港，葉太Ｏ既說話，你睇下中間幾多關要過，就算政府上訴失敗去終審庭，仲要冇人提出修改法例，仲要係如果有十萬個外傭一齊黎申請，仲要十萬個人都得到入境處批准，中門打開先會實現。
節目末段，新民黨黨員發言，認為有貢獻不等於給予居港權。要找立法原意，所以要人大釋法。
這篇文輕寫了判詞和理據，因為《城市論壇》（至少今集）不是交流理據的節目，而是各自表述，宣示立場，攻擊對手的機會。
